Estyn

Mae Estyn yw arolygiaeth addysg a hyfforddiant Cymru. Eu cenhadaeth yw gwella ansawdd addysg, hyfforddiant a chanlyniadau i bob dysgwr ledled Cymru.

Mae Pobl wedi gweithio gydag Estyn ar ystod eang o brosiectau trawsnewid digidol. O adnewyddu brand a gweddnewid y wefan, i ddigideiddio eu hadroddiad blynyddol a datblygu offer DA (AI).

Trawsnewid Digidol
Brandio
Dylunio Gwe
Datblygu Gwe
Delweddu Data a Dangosfyrddau (Power BI)
Datblygu Cronfa Ddata ac Offer Data

Gwnaethom weithio gydag Estyn i ail-leoli eu brand, gan fireinio’r logoteip a’r eicon presennol a chyflwyno palet lliw newydd ffres a theipograffeg newydd fwy cymeriadol.

Helpodd yr ailfrandio i gyflwyno Estyn fel sefydliad mwy hygyrch a modern, gan symud y canfyddiad tuag at gorff sy’n cefnogi gweithwyr addysg i wella, yn hytrach na dim ond asesu neu feirniadu.

Gwnaethom ddarparu pecyn brand cynhwysfawr i Estyn i’w helpu i gyfathrebu’n well gyda’u cynulleidfa. O gasgliad helaeth o graffeg a thempledi ar gyfer cyfryngau cymdeithasol, i fformat sleidiau wedi’i ddiweddaru ar gyfer cyflwyniadau; mae ein pecyn brand yn helpu Estyn i ddarparu adnoddau a chanllawiau i gynulleidfaoedd ledled Cymru.

Roedd gan Estyn gyfoeth enfawr o adnoddau a gwybodaeth addysgol ar eu gwefan, ond roedd bron yn amhosibl eu canfod. Ail-ddatblygom eu gwefan, gan greu canolfan adnoddau hawdd ei defnyddio ar gyfer gweithwyr addysg a dysgwyr ledled Cymru.

Mae gan Estyn ystod eang o gynulleidfaoedd gwahanol iawn, felly mae’r wefan a ail-ddyluniwyd gennym yn mynd i’r afael â hyn drwy well arwyddbostio a llywio ar draws y safle.